***

ექსპრომტად (დაჩივლებას ვაპირებდი , რომ ლექსებმა დამტოვეს... საუკუნეა, არაფერი დამიწერია... და შემომეწერა)

რას ამეკვიატე?!
არ ვარ მე საშენო...
არც შენ ხარ საჩემო -
გზები გვაქვს სხვადასხვა.

მერე რა, თუ შევხვდით,
თუ გამიღიმილე,
თუ კვეთს ბილიკები
ერთმანეთს ხანდახან.

შენ ავსებ ვარდებით
შენს ლამაზ ასულებს,
მე ცისფერ კესანებს
მიწაში ვაბრუნებ.

ცის გაშლილ მდელოზე,
მე ვარჩევ ყვავილებს,
თან ისე, არ მინდა
სათვალის მორგებაც.
შენს ტელესკოპში კი
არ ჩანს ზღაპრის მთები.
მარტო ცის სხეულებს
ხედავ დიდ ზომებად.

რას ამეკვიატე?!
............................
აბა, შენ რა იცი...
............................
მე აგიკვიატე...
მალევე გაგიცლი?..

რა ვიცი, რა ვიცი...